I la të katërt fëmijët e saj në shtëpi vetëm dhe iku për pushime. Kjo ka ndodhur në Shtetet e Bashkuara ku një nënë 30-vjeçare, Erin Lee Macke, vendosi të nisej për një udhëtim 11 ditor në Gjermani. Policia ndërhyri për t’u kujdesur për fëmijët që ishin nga mosha 6 deri në 12 vjeç, duke ia besuar shërbimit social. Ndërkohë me të shkelur në SHBA, nëna e tyre u arrestua. Sipas raportimeve të mediave amerikane, gruaja kishte programuar udhëtimin pa ia besuar askujt fëmijët. Në datën 21 shtator policia hyri në shtëpinë e saj ku gjeti 4 të vegjëlit, të vetëm.
Teksa fëmijët qëndronin në shtëpi, Erin tregonte aventurën e saj në Instagram. Ajo shfaqej e buzëqeshur duke vizituar bashkë me një mikeshë, vendet turistike të Bavarisë. Ndërkohë policia u mobilizua menjëherë për t’i shkuar në ndihmë fëmijëve e për të gjetur nënën e tyre. Pasi e ndërpreu udhëtimin para kohe, Erin u dërgua në burg. Gruaja duhet të përgjigjet për akuzën e braktisjes së fëmijëve të mitur e për secilin rrezikon 10 vjet heqje lirie./ revistawho.com
La 4 të vegjëlit vetëm në shtëpi e u nis për pushime me shoqen, arrestohet 30-vjeçarja
