Reperi me origjinë shqiptare, Gashi, ka marrë famë në mbarë botën. Tashmë çdo këngë e tij kthehet në hit dhe dëgjohet kudo. Familja e tij ka emigruar gjatë viteve ’90 për në SHBA dhe aty reperi i njohur ka kaluar pjesën më të madhe të jetës. Gashi ka rrëfyer historinë e jetës së tij dhe si arriti të bëhej i famshëm pavarësisht se nuk mbaroi shkollën. Ai ka publikuar në ‘Instagram’ një video, në të cilën shfaqet në ekranin e madh të ‘Billboard’ në New York për bashkëpunimin e tij me G-Eazy. Ai ka treguar se në të njëjtin cep ku shfaqet edhe videoja, prindërit e tij e detyronin të priste autobusin e shkollës. “Kur lash shkollën prindërit e mi u mërzitën shumë. Më detyronin të dilja tek cepi dhe të prisja autobusin e shkollës. Një ditë vendosa të mos kthehesha më këtu. 10 vite më vonë shfaqëm në ‘Billboard’ në të njëjtin cep”, – ka shkruar Gashi. Ai ka shtuar se askush nuk duhet të heqë dorë nga ëndrrat dhe të besojë fort për realizimin e tyre. /revistawho.com
https://www.instagram.com/p/BtDDi6eFa1y/
