Në tetor të vitit të kaluar moderatori i njohur Labinot Gashi kurorëzoi në martesë lidhjen e tij me vajzën nga Prishtina, Qëndresa. Pak muaj pas martesës së tyre në mediat rozë qarkulloi lajmi se bashkëshortja e moderatorit ishte shtatzënë. Këtë gjë e mohoi vetë Labi, megjithatë ditën e sotme në emisionin “Kush vjen për drekë” ai ka sqaruar gjithçka.
“Në momentin që do të ishte e vërtetë unë do e kisha thënë menjëherë, sepse s’ka gëzim më të madh se sa të bëhesh prind. Unë do të kisha postuar menjëherë diçka, por jo nuk është aspak e vërtetë” ka thënë Labinoti. Më tej ai ka shtuar se do të dëshironte shumë të kishte një fëmijë, por çdo gjë e ka Zoti në dorë. /revistawho.com
