Këngëtari Labinot Tahiri, i cili së fundmi është përfshirë në fushata të ndryshme humanitare për të ndihmuar disa familje në nevojë, duke i siguruar atyre ushqime dhe vendstrehim, u përgjigjet sot përmes një statusi në “Facebook”, të gjithë atyre që e kanë pyetur se pse e ka ndërmarrë këtë iniciativë. “Kjo vlen për të gjithë! Pse je humanist? Ju i përgjigjeni: Jemi humanist, sepse jemi gjak shqiptari. Mirëdita të gjithëve! Vëllezër dhe motra, që nga fillimi e kam ndjerë dhe e kam ditur që ky komb shqiptar është i pakontestueshëm në anen e humanizmit dhe të dashurisë mes njëri-tjetrit. Ajo po ndodh, po shihet, nuk mbeti njeri pa ndihmuar këto ditë! Janë ndezur fitilat e vetdijësimit të shoqërisë sonë. Kjo është pasuria jonë, nuk ka pasuri tjetër. Ti, apo unë sot mund të kemi pasuri, por nesër mund të jemi 0, po kush si shqiptari do ta shtrijë dorën? Askush pra. Këtë e kam vërtetuar shumë herët dhe e keni përjetuae shumica se vetëm dora jonë është dorë e zemrës pa interes ndaj njëri-tjetrit andaj binduni edhe më shumë. NDIHMONI njëri-tjetrin ku do që ndodheni ashtu jeton KOMBI YNË”, – përfundon këngëtari, i cili vetëm dje ka publikuar këngën e tij të re.
Labinot Tahiri: Pse po i ndihmoj njerëzit
