Në një intervistë tejet emocioanle gjatë një episodi premierë për shëndetin mendor, Lady Gaga ka reflektuar mbi pasojat e mbetura nga sulmi seksual në adoleshencë, duke mbetur shtatzënë e duke u përballur me abuzime ta vazhdueshme. Lady ka treguar se është abuzuar nga një producent, i cili ka kërkuar të hiqte rrobat e saj, ose në të kundërt do t’i fshinte muzikën e krijuar. “Unë thjesht ngriva, nuk do ta them emrin e tij. Nuk dua kurrë më të përballem me atë person”, ka thënë ajo.
Disa vite më vonë Gaga nisi të kishte dhimbje kronike, për të cilat u këshillua nga mjeku të takonte një psikiatër. “Fillimisht ndjeva dhimbje shumë të madhe. E kuptova që ishte e njëjta dhimbje që ndjeja kur personi që më përdhunoi më la shtatzënë në shtëpinë e prindërve të mi. Villja dhe u sëmura shumë sepse po abuzonin me mua. U mbylla në një studio për një muaj të tërë. Unë kisha një pushim total nga ana psiqike për disa vite, nuk isha e njëjta vajzë. Të gjithë mendojnë se është një vijë e drejtë, si çdo virus tjetër, që sëmuresh dhe pastaj shërohesh. Nuk është ashtu. Thjeshtë nuk është ashtu. Dhe në të vërtetë unë mendoj se kjo i bllokon njerëzit”, ka pohuar Lady Gaga.
Këngëtarja ka pohuar se e ka ndarë historinë për të hapur zemrën me njerëz të tjerë. “Në momentin që e ndan historinë me të tjerë, është pjesë e shërimit”, është shprehur ajo./revistawho.com
