Lady Gaga në një lidhje të re, ja kush është djali që i ka vjedhur zemrën

Lady Gaga paska dikë të ri në jetën e saj dhe ky nuk është Bradley Cooper. Këngëtarja është parë duke u puthur me inxhinierin e zërit, Dan Horton, gjatë një darke romantike, sipas ‘People’. Kjo lidhje erdhi 6 muaj pasi fituesja e ‘Oscars’ i dha fund fejesës së saj, e cila sipas raporteve ka përfunduar pa asnjë arsye konkrete. Për t’u rikthyer sërish tek partneri i ri i Gaga-s, duket se Dan nuk është një ‘hyrje’ e re në jetën e kësaj të fundit, pasi dyshja njihet që në nëntor të vitit 2018. Ai gjithashtu është një emër i njohur në ‘Hollywood’, pasi ka punuar me emra të njohur si: Justin Timberlake, Camila Cabello, Taylor Swift etj. Dan gjithashtu është një person që udhëton shpesh, duke jetuar kështu midis: Los Angeles, Las Vegas dhe Nashville. Për ta mbyllur, Dan ka pasur një lidhje 3-vjeçare, që nga viti 2013 deri në 2016-ën me aktoren Autumn Guzzardi, por shkaqet e ndarjes ende nuk janë bërë publike./revistawho.com