E thoshte dhe Marilyn Monroe që diamantet janë miqtë më të mirë të femrave. Ndaj Lady Gaga u paraqit në tapetin e kuq të ndarjes së çmimeve “Oscar” me plot 8 milionë motive për të ndjekur në mënyrë rigoroze mësimet e biondes më eksplozive të kinemasë, fanse e së cilës ka qenë gjithherë. Modeli i flokëve dhe veshja e bardhë që kish zgjedhur nuk mjaftonin për t’i bërë një homazh dinjitoz hyjnores Monroe. Kështuqë kryesorja ishin pikërish ato, dy vëthë që vareshin me prerje smeraldi, plot 90 karatë secili (30 guri lart dhe 60 ai poshtë) që mbanin firmën e Lorraine Schwartz, me vlerë 8 milionë dollarë.
