Pas performancës shumë romantike me Bradley Cooper, Lady Gaga ka thyer heshtjen. Aktorja dhe këngëtarja e njohur ishte mbrëmjen e djeshme e ftuar në emisionin “Jimmy Kimmel Live” dhe ka pranuar se performanca ishte intime. Lady ka treguar se e gjitha ishte bërë për të dhuruar spektakël dhe se ata të dy ja arritën qëllimit.
“Po, njerëzit panë dashuri dhe gjejeni çfarë? Këtë donim ne që ju të shihnit. ‘Shallow’ është një këngë dashurie, ‘A Star is Born’ është histori dashurie. Ishte shumë e rëndësishme për ne të dy që të ishim gjatë gjithë kohës shumë të lidhur…Kur këndon këngë dashurie atë dëshiron që të ndiejnë edhe njerëzit”, – ka shpjeguar këngëtarja. Ajo ka shtuar se ata janë artistë dhe ajo është puna e tyre. Lady Gaga dhe Bradley Cooper gjatë filmit dhe performancave të ndryshme kanë treguar se kanë një kimi shumë të fortë me njëri-tjetrin, por mesa duket kjo ka të bëjë vetëm me skenën. /revistawho.com
