Shtëpia e Big Brother Albania VIP është gjithmonë një vend emocionesh të forta dhe debateve të nxehta.
Së fundmi, Valbona u pa në oborr duke biseduar me Jozin dhe Laertin. Gjatë kësaj bisede, Laerti ndau një anë personale të tij, duke treguar arsyen kryesore që e shtyu të bëhej pjesë e spektaklit. Ai foli hapur për problemet ekonomike që po përjeton familja e tij.
“Banka po u merr shtëpinë,” rrëfeu ai, duke shtuar se i ka premtuar nënës së tij se nuk do ta lejojë që kjo gjë të ndodhë.
Laerti gjithashtu ndau mendimet e tij për marrëdhëniet brenda shtëpisë, duke përmendur Valbonën.
“Pse Laerti e sheh Valbonën, është gocë shumë e bukur dhe më pëlqen. Siç çdo mashkulli do t’i pëlqente. A e do për të dashur?
Jo, sepse në shtëpinë e Vëllait të Madh nuk mund të kesh të dashur. Të kesh të dashur do të thotë të kesh edhe marrëdhënie fizike. Këtu marrëdhënia fizike fluturon jashtë. Unë nuk kam ardhur të fluturoj jashtë. Unë i kam premtuar mamasë sime të bëj të pamundurën të shpëtoj banesën që po na e merr banka. Ky është qëllimi im madhor,” u shpreh ai.
Laerti nuk ka dhënë më shumë detaje por në një bisedë tjetër ai ka treguar se si humbja e gjyqit kundër organizatës ekstremiste greke “Agimi i Artë” të cilët e kanë sulmuar fizikisht pas një shfaqjeje të vënë në skenë prej tij në gjuhën shqipe në kryeqytetin grek, është pikërisht arsyeja pse prindërit e tij po humbasin shtëpinë e tyre në Greqi.
Këto fjalë emocionuese kanë prekur publikun dhe kanë hedhur dritë mbi vështirësitë e jetës së tij jashtë spektaklit. Për Laertin, gara në Big Brother është më shumë se një lojë – është një shans për të përmirësuar jetën e familjes së tij.
