Taylor Swift duket se po planifikon të bëjë një pauzë nga muzika pas një periudhe intensive të turneut “Eras”, i cili ka zgjatur gati dy vite dhe ka përfshirë mbi 150 koncerte në mbarë botën.
Turneu, që pritet të përfundojë më 8 dhjetor në Vancouver, do të shënojë një moment kthese për këngëtaren. Ajo ka vendosur ta vendosë muzikën në plan të dytë, për t’iu përkushtuar më shumë jetës private dhe marrëdhënies me partnerin e saj, sportistin Travis Kelce.
Pas tensionit dhe angazhimeve të pandërprera, Taylor synon të gjejë një balancë më të mirë mes karrierës dhe jetës personale. Një burim pranë saj ka treguar se ajo po shqyrton mundësinë e një viti pushim, për të ndërtuar një lidhje më të fortë me Kelce dhe për të përqendruar energjitë në aspekte të tjera të jetës së saj.
