Sigurimi i detyrueshëm i makinave, TPL tashmë do të kushtojë deri në 25% më shtrenjtë. Shoqëritë e sigurimeve, duke filluar nga dita e sotme, i kanë shitur policat TPL me një çmim të ri, mesatarisht në 18,500 lekë, shkruan “Monitor”.
Kategoria/ Ishte – Bëhet
A1/1 (Motoҫikleta nën 150cm3) 5,660 lekë – 6,804 lekë
A1/2 (Motoҫikleta mbi 150cm3) 8,660 lekë – 10,405 lekë
Autovetura deri 1,600 cm3:
Ishte Bëhet
B1/1.1 (Mjete të prodhuara para 2006-ës) 15,260 lekë – 17,724 lekë
B1/ 1.2 (Mjete të prodhuara pas 2006-ëss) 14,760 lekë – 18,324 lekë
1,600 deri 2,500 cm3
Ishte Bëhet
B1/2.1 (Mjete të prodhuara para 2006-ës) 15,860 lekë – 19,044 lekë
B1/2.2 (Mjete të prodhuara pas 2006-ës) 15,360 lekë 18,460 lekë
Burimi: Shoqëritë e sigurimeve
Kjo rritje e çmimeve sipas drejtuesve të kompanisë së JoJetës erdhi për disa arsye. E para ka të bëjë me reflektimin e vendimit të AMF-së, se primi i riskut nuk duhet të jetë më i ulët se 100 euro, çka do të thotë se nuk mund të shiten polica nën këtë vlerë. Sipas shoqërive të sigurimit, nga bilanci i të dhënave të gjashtëmujorit, rezultoi se primi i riskut ishte mbi 100 euro.
E dyta, sipas drejtuesve të shoqërive të sigurimit, shkak për rritjen e tarifave janë aksidentet e shumta automobilistike që kanë ndodhur kohët e fundit e që kanë bërë që të rritet ekspozimi kundrejt këtyre rreziqeve.
E treta, sipas tyre, tarifa e re reflekton edhe rritjen e taksës së sigurimeve që hyri në fuqi në janar të 2016ës. Në paketën e re fiskale 2016, taksa kombëtare nga 3% u rrit në 10%.
Shoqëritë e sigurimit shpjeguan se nuk e reflektuan këtë ndryshim te primi i shkruar bruto për produktet TPL në 6-mujorin e parë të këtij viti. Sipas të dhënave të AMF-së, produkti TPL e brendshme, në periudhën janar – qershor 2016, pati një rritje prej 4.10% të volumit të primeve të shkruara bruto. Kjo u shoqërua edhe me një rritje të numrit të kontratave prej 5.20%, krahasuar me periudhën janar – qershor 2016. Pavarësish kësaj rritje, Shqipëria ende ka nivelin më të ulët mesatar të primit të sigurimit të detyrueshëm motorik në rajon.
