Thashethemet në lidhje me rikthimin e Harry Potter në ekranin e madh kanë vazhduar që nga suksesi i librit ” Harry Potter dhe fëmija i mallkuar”, versioni teatral i të cilit ka korrur mjaft sukses.
Sipas një publikimi të Teen Vouge, Warner Brothers kërkon të drejtat e këtij titulli të ri, një teori kjo që shumë fansa të sagës e mbështesin, madje është thënë se kompania ka nisur procedurat ligjore për të kthyer librin jo në një film, por në tre.
Një burim ka konfirmuar për New York Daily News se producenti aktualisht është i përfshirë në këtë projekt por ende nuk dëshiron t’a bëjë publik lajmin.
Por kush do të interpretoj Harry Potter-in në këtë trilogji të re?
Sipas një burimi misterioz, producenti për këtë rol ka në mendje po Daniel Radcliffe, por ka një problem, pasi Harry Potter në këtë film të ri duhet të jetë rreth të dyzetave.
