LAJMI I FUNDIT/ Aksident me vdekje në autostradën Tiranë-Durrës

Një 45-vjeçare ka humbur jetën pasditen e sotme rreth orës 17:30 në një aksident automobilistik në autostradën Tiranë-Durrës. Policia e Tiranës njofton zyrtarisht se viktima është me iniciale N.L dhe u përplas për vdekje nga një makinë tip Volkswagen. 45-vjeçarja u dërgua në spital në gjendje të rëndë, por nuk mundi të mbijetonte, raporton “Syri.net”. Ndërkohë, drejtuesi i makinës A.F 26 vjeç është shoqëruar nga policia për t’u marrë në pyetje.