4 korriku do të mbetet përjetësisht i bekuar për Kristina Neranxin. Ajo sapo u bë nënë për herë të parë. Sipërmarrësja e bukur bionde, ka lindur djalë. Vajza e vogël e themeluesit të kompanisë “Neranxi” ka zgjedhur për të birin emrin e një engjëlli, ai do të quhet Gabriel. Në fakt mami Kristina dhe babi Renato janë treguar të paduruar për të mësuar gjininë e bebes së tyre, ndaj emri Gabriel është zgjedhur që më herët dhe çifti e kanë ndarë me të gjithë duke na treguar se nuk i trembeshin aspak “syrit të keq”. E në fakt kishin të drejtë, gjithçka shkoi mbarë e Gabrieli erdhi shëndoshë e mirë. Urojmë shumë që të ketë buzëqeshjen e mami Kristinës./ revistawho.com
