Ka nisur edhe sivjet rrugëtimi në qytetet e Shqipërisë i spektaklit veror të televizionit kombëtar “Klan”, “Maratona e Këngës Popullore”. Prej disa vitesh qytetarët e Shqipërisë kanë mundësinë të shijojnë një mbrëmje ndryshe nëpër sheshe, duke dëgjuar e pse jo edhe duke kërcyer, këngët tona popullore. Në skenë ngjiten artistët më të mirë shqiptar. Vitet i fundit ky spektakël i rëndësishëm që mban autorësinë e treshes historike të “Klan” Adi Hila dhe vëllezërit Pandi e Bledi Laço, i është besuar drejtimit të prezantueses simpatike Klea Huta. Burime pranë këtij televizioni bëjnë me dije për “revistawho.com” se sivjet treshja e producentëve kanë zgjedhur që bashkë me Klean të jetë një tjetër moderatore. Ajo është ish-Miss, aktore dhe drejtuese e programeve rinore në “Vizion Plus”. E kemi fjalën për Nevina Shtyllën. E kontaktuar nga “revistawho.com” Nevina është shprehur shumë entuziaste. “Jam e lumtur për këtë propozim dhe është një punë që e pres me shumë qejf. Mezi pres ta shijoj këtë eksperiencë të re”, na tha ajo. Urime!/ revistawho.com
