“Dilni jashtë”. Kjo ishte britma e pare e atentatorit te ambasadorit rus ne Turqi, Andrey Karlov. Keshtu kane thene deshmitaret okulare per mediat. I armatosuri, një person i veshur mirë me kostum dhe kravatë, u dëgjua duke thirrur: “Ne vdesim në Aleppo, ju vdisni këtu! Allahu Ekber”. “Mos harroni Aleppon, mos harroni Sirinë”, tha sulmuesi menjëherë pas kishte vrarë ambasadorin, siç shihet në një video të publikuar nga mediat turke. Karlov është qëlluar disa herë dhe ka nderruar jete ne spitalin rajonal në kryeqytetin turk, Ankara. Andrey Karlov po fliste në një ekspozite fotografike, kur ai u qëllua nga pas. Atentatori i ka lene të ftuarit qe ishin ne ekspozitë te dilnin jashte, pasi ai qëlloi diplomatin, sipas raporteve. “Ka të paktën tre persona të plagosur të cilët janë dërguar në spital”, tha televizioni turk NTV, shkruan “Panorama”. Nje dëshmitar duke folur për televizionin CNN Turk tha se sulmuesi kishte vepruar vetëm. “Ai tha se unë nuk do të dalë i gjallë nga ky vend”, ka thënë sulmuesi, sipas dëshmitarit duke treguar se nuk do te dorezohej. Sulmuesi raportohet se ka folur për situatën në Alepo, pasi ai qëlloi Ambasadorin disa herë. Agjencia e lajmeve Anadolu raporton se atentatori është vrarë nga forcat e sigurisë, pas një përleshje me armë.
