E diela sot u gdhi trishtë: Pas disa ditësh në intubim, është bërë i ditur lajmi se aktori i njohur, Koço Devole ka humbur jetën pas luftës me ‘Covid-19’.
Sipas lajmeve është bërë e ditur se Koço u infektua me ‘Covid-19’ dhe u shërua, por sëmundja nga e cila ai kishte vuajtur më parë, leuçemia, e përkeqesoi gjendjen e aktorit, duke e rikthyer sërish në spital.
Vetëm pak ditë më parë, djali i Devoles, në një intervistë për ‘Ftesë në 5’ tregoi se shpresonte që i ati t’i kthehej shumë shpejt gjendjes normale, duke sqaruar dhe gjithë gjendjen shëndetësore.
Lajmi i humbjes së aktorit i ka hidhëruar të gjithë dashamirësit e artit që Devole dhuroi përgjatë gjithë viteve në skenën shqiptare.
Revista ‘Who’ i shpreh ngushëllimet e sinqerta familjes Devole./revistawho.com
