518 persona janë regjistruar në Shqipëri të cilët kanë dalë pozitivë, të prekur nga COVID-19. Të dhënat janë bërë publike nga ministrja e shëndetësisë Ogerta Manastirliu gjatë seancës së sotme parlamentare. Vetëm në 24 orët e fundit janë regjistruar 24 raste të reja ku 3 prej tyre janë staf mjekësor në qytetin e Kukësit.
“Sot Shqipëria raporton 518 persona të prekur me koronavirus. Numri i të shëruarve është më shumë se të infektuarit aktiv. Kemi arritur tësheshojmë kurbën epidemike. Po punohet për gjetjen e të gjitha rasteve të kontaktit. Kemi hyrë në fazën që duhet të mendojmë për rihapjen”, u shpreh ministrja.
