Harlem-i, lagjja më emblematike e komunitetit afro-amerikan , është shndërruar në vendin që duhet të vizitoni patjetër kur të shkoni në New York. Që prej viteve 20, nuk ishte parë një larmishmëri e tillë. Art kontemporan, muzikë, teatër, dizajn…
Një DJ që mikson këngët afriko-funk, një turmë njerëzish, restorante e hotele luksoze, kjo është lagjja më e bukur e New York-ut që po merr famë në mbarë botën. Një gjendje shpirtërore, e vleresojnë artistët lagjen e cila për 10-tra vite ishte simboli i varfërisë e braktisjes. Migrimi drej Harlem-it është inkurajuar prej agjensive të ndryshme imobiliare në bazë të një fushate lançuar nga bashkia e New York-ut duke e kthyer atë nga destinacionet më të deshiruara. Jeta kulturore e mbushur me muze, shfaqje muzikore e performanca e ka shndërruar këtë vend në lokacionin të dëshiruar edhe nga elita artistike nju jorkeze.
Por kritikë të ndryshëm shprehen se këto ndryshime nuk janë veçse në disfavor të banorëve.
Historiku
Banorët me ngjyrë u vendosëm në Harlem në fillim të shekullit të XX dhe brendaj vitit 1919 numri i tyre ishte katërfishuar.
Në vitet 20, Harlem-i ishte qendra ku mori frymëzim lëvizja kulturore e njerëzve me ngjyrë. Aso kohe kishte shumë prodhime artistike, por spektaklet i dedikoheshin vetëm “njerëzve të bardhë”. Harlem-i ishte edhe një nga zonat ku të rinjtë filluan të kërcenin nën ritmin e hip hop-it. Përgjatë viteve të mëtejshme, në fund të luftës së dytë botërore, lagjja u popullua me emigrantë hispaniko-amerikanë. Shumë shpejt zona u kthye në një lagje të varfër, me rritje të kriminalitetit dhe papunësisë. Por duke filluar nga mesi i viteve 90-të, me vullnetin e mirë të komunitetit lagjja filloi të ndryshojë faqe. Sot edhe me mbështetjen e bashkisë rezultatet kanë filluar të dalin në pah. Cilësia e jetës është më e mirë, ka mundësi punësimi, një përzierje e kulturës afro-amerikane. Por kjo përkthehet edhe në kosto më të larta jetese duke sjellë nje dispropocion për popullatën rezidente. Në këtë kuadër, një interes i veçantë është treguar për rikualifikimin e SOHA (Harlemi i jugut) duke bërë ndërtime luksoze për mirëpritjen e njerëzve të bardhë.
Shfletoni galerinë për të mësuar më shumë!
