Jennifer Lopez dhe Ben Affleck, çifti i famshëm që u ribashkua pas dy dekadash dhe u martua në vitin 2022, tashmë kanë përfunduar zyrtarisht martesën e tyre. Ndonëse u mendua se mungesa e një marrëveshjeje paramartesore do ta zgjaste procesin, gjithçka u zgjidh më shpejt se sa pritej.
Gjykata e Lartë e Qarkut të Los Anxhelosit ka shpallur përfundimisht të mbyllur martesën dyvjeçare të ish-çiftit, duke e bërë divorcin efektiv më 21 shkurt.
Jennifer dhe Ben, të cilët kishin qenë të lidhur për herë të parë në fillim të viteve 2000, i dhanë një tjetër mundësi romancës së tyre në vitin 2021. Pasi fejesa e tyre u bë publike, ata u martuan në një ceremoni të thjeshtë në Las Vegas në korrik 2022, e më pas organizuan një dasmë madhështore në Gjeorgji më 20 gusht të po atij viti.
Ndonëse dukej se kishin gjetur lumturinë, duket se martesa e tyre nuk mundi të mbijetonte. Tani, të dy janë zyrtarisht beqarë dhe kanë mbyllur një tjetër kapitull të jetës së tyre.
