Taylor Swift la pas krahëve romancën e shkurtër me Calvin Harris dhe të njëjtën gjë duket se po bën edhe DJ i famshëm skocez. 32-vjeçari është fotografuar në shoqërinë e këngëtares Tinashe, me të cilën ka patur një bashkëpunim muzikor dy vite më parë. Në takim, 23-vjeçarja kishte zgjedhur të ruante një profil të ulët, e veshur sportive dhe me një kapele të hedhur mbi kokë. Çifti u fotografua në Soho House, mbrëmjen e së enjtes në Hollivud. Për momentin gjithçka është në kuadër të thashethemeve të medias rozë, por nëse konfirmohet, kjo do të ishte romanca e tretë radhazi për Calvin Harris, pas Rita Orës dhe Taylor Swift.
