Kanë nisur të qarkullojnë thashetheme se Lana Del Rey është përsëri beqare. Këngëtarja e hitit “Blue jeans ” raportohet të jetë ndarë nga fotografi italian Francesco Carrozzini, pas 18 muajsh lidhje.
Duket se dhimbja është ende e freskët pasi “NY Daily News” raporton se ata i kanë dhënë fund marrëdhënies së tyre 2 javë më parë. Sipas burimeve, ndarja ka ardhur pasi Lana dëshironte ta çonte këtë lidhje në një tjetër nivel por kjo gjë është kundërshtuar nga Francesco.
Kjo nuk është hera e parë që Del Rey dhe Carrozzini janë ndarë. Ata kanë nisur të shoqërohen në qershor 2014 dhe janë ndarë disa herë brenda këtij viti. Hera e fundit që dyshja është fotografuar ka qënë më 8 Tetor në një restorant në Santa Monica.
