Kur pothuajse po bëhen dy vite që nga vdekja e tij, koha nuk po e lehtëson aspak dhimbjen tek njerëzit e tij të dashur. Dr.Flori vdiq në moshë shumë të re, duke lënë me zemër të thyer shumë njerëz të afërt dhe shumë fansa që adhuronin muzikën e tij. Tekstet e Dr.Florit këndohen akoma sepse gjithmonë ai ka ditur të japë mesazhe shumë të forta. Edhe për mikun e tij të ngushtë, bashkëpunëtorin e tij, Landin, koha duket se ka mbetur në vend. “Nga të vetmit raste kur koha nuk i shëron plagët, nuk harron, dhe nuk zëvendëson asgjë! Je i paimitueshëm, i pazëvëndësueshëm”-shkruan Landi, duke kujtuar Dr.Florin me anë të një fotoje shumë të veçantë.
