Dy nga urimet më të veçanta që Landi ka marrë për ditëlindje, kanë qenë nga vajzat e pjesëtarëve të grupit West Side Family. Vogëlushja e Armir Shahinit (Mirit), i ka dedikuar një video ku i këndon këngën e ditëlindjes. Gjithashtu një tjetër dhuratë e bukur dhe e rëndësishme për të është letra që Kaltrina, vajza e të ndjerit Dr. Flori i ka dedikuar. “Landi gëzuar ditëlindjen! Mua më ka marrë malli mezi pres të vish në Tiranë. Me dashuri Kaltrina!,”-shkruhej në letrën e publikuar nga Landi në rrjete sociale. Pas vdekjes së Dr. Flori ai i ka qëndruar afër familjes së tij, e sidomos vogëlushes Kaltrinë.
