Për shkak të angazhimeve në “Dance With Me”, Robert Berisha prej javësh është detyruar të qëndrojë larg familjes. Koha e gjatë që po kalon larg Norës dhe Renee duket se ka shtuar shumë mallin për t’i parë, veçanërisht për të bijën. Pak minuta më parë ai publikoi një foto nga momentet kur komunikonte me të nëpërmjet ‘video call’. E vogla Renee ushqehej teksa fliste me babain e saj, ndërsa Roberti duket shumë i lumtur që po e shikon.
Kujtojmë se Roberti është duke punuar edhe për një projekt të ri muzikor në bashkëpunim me Eneda Tarifën dhe Kastro Zizon. /revistawho.com
