Suada Sherifi është një ndër emrat më të njohur në “showbizz”-in shqiptar. Ish-misi gjithnjë ka folur hapur për jetën e saj private, duke rrëfyer historinë e dashurisë e më pas edhe mëmësinë. Suada është prej vitesh në një marrëdhënie dhe është nënë e një vajze të quajtur Deizi. Bukuroshja shqiptare është shkëputur nga jeta mediatike dhe ka zgjedhur ta jetojë jetën e saj në privatësi të plotë. Së fundmi, “Balkaweb” shkruan se Suada jeton në Dubai. Ndonëse ajo nuk ka një llogari të sajën në “Instagram”, faqet e tjera kanë zbuluar copëza nga jeta e re e ish-misit. Ajo po jeton jetën e saj larg Shqipërisë, e rrethuar nga luksi dhe me siguri nga njerëzit e saj më të dashur.
