E kush nuk do ta dëshironte një udhëtim drejt qytetit të dashurisë dhe më magjik në botë, Parisit. Kryeqyteti francez është i njohur për atraksionet mjaft të veçanta turistike, për stilin e një klasi të lartë dhe për ushqimet dhe verën e shijshme. Ka një sërë arsyesh që e bëjnë Parisin një nga qytetet më të vizituara në mbarë botën. Me siguri edhe personazhet e njohur shqiptarë pikërisht për këto arsye duhet ta kenë zgjedhur si destinacionin e tyre të preferuar këtë vjeshtë. Pavarësisht se janë të angazhuar me punë, një pjesë e tyre kanë zgjedhur të shkëputen për disa ditë qëndrimi në Paris. Venera Lumani dhe Lind Islami kanë shijuar disa momente mjaft romantike së bashku në qytetin e dashurisë.
Por ata nuk janë çifti i vetëm, sepse edhe Marçela Lati dhe Armand Peza kanë zgjedhur të vizitojnë Parisin.
Ndërsa këngëtarja Enca e zgjodhi si destinacionin e saj të preferuar për të festuar ditëlindjen.
Gjithashtu edhe këngëtarët Anxhela Peristrei, Alban dhe Beatrix Ramosaj së bashku me miqtë e tyre Endrit Mërtiri dhe Oriola Marashi kanë vizituar disa nga vendet më të bukura të Parisit dhe sigurisht nuk u ka shpëtuar edhe një foto me kullën ‘Eiffel’ në sfond.
Jo më kot personazhet shqiptar kanë zgjedhur këtë qytet, sepse pjesa më e madhe e njerëzve rekomandojnë që Parisi të vizitohet gjatë muajve tetor-nëntor. Në këtë kohë moti është i mirë, qyteti është më i qetë nga turistët dhe në këtë mënyrë mund të shijosh çdo moment në rrugët e tij. /revistawho.com
