Gjatë transmetimit të së hënës në “Wake Up”, moderatorët Enxhi Nasufi, Neada Muçaj dhe Blendi Salaj u ndalën te zërat për një përplasje fizike mes dy vajzave, duke i cilësuar këto thashetheme të pavërteta dhe të pabazuara.
Por në orët e pasdites u përhap lajmi se dy moderatoret kishin dalë nga stafi i emisionit dhe nga vetë Top Channel. Kjo u konfirmua mëngjesin e sotëm, kur Blendi Salaj doli i vetëm në ekran. Ai nuk dha shpjegime të hollësishme, por tha se formati po hynte në një fazë të re.
“Programi është rikonceptuar dhe gjatë kësaj periudhe do të kem pranë disa bashkëpunëtorë të rinj. Misioni ynë mbetet i njëjtë: t’ju shoqërojmë e t’ju sjellim pozitivitet çdo mëngjes,” u shpreh ai.
Për edicionin e sotëm, Blendi prezantoi Heidi Bacin si bashkëprezantuese. Megjithatë, ai la të kuptohet se do të ketë rotacion figurash, prandaj nuk pritet që Heidi të jetë pjesë fikse e stafit të “Wake Up”.
