Si çdo gjë që përdoret pa karar, thënë ndryshe me tepëri, vjen një moment që krijon ndjenja të përziera tek shoqëritë dhe njerëzit.
Një debat i madh në vende të ndryshme, të cilat kanë nisur të ndërhyjnë edhe ligjërisht ( si Norvegjia) po bëhet mbi përdorimin e filtrave në rrjete sociale, të cilat janë kthyer në problem mbi imazhin, sidomos tek vajzat e reja.
Gerta Heta është një nga ato vajza të njohura, që ka dalë kundër kësaj manie (edhe pse dyshojmë që dhe ajo vetë të mos i jetë dorëzuar filtrave apo efekteve të teknologjisë). Në një postim të saj, duke sjellë disa foto krahasimore, Gerta shkruan se “Filtrat dhe apps që nuk bëjnë gjë tjetët veçse i ulin vetëbesimin brezit të ri”.
https://www.instagram.com/p/CVM4HClIeky/?utm_source=ig_web_copy_link
Deri diku i japim të drejtë Gertës, pasi imazhet perfekte të Instagramit, nuk përputhen aspak me atë sesi duken njerëzit në jetën reale.
Veçse sa kohë teknologjia na i ofron këto gjëra, të paktën ta themi kur përdorim filtrat në mënyrë që dhe të tjerët ta marrin vesh se nuk jemi aq perfekte. Askush nuk është në fakt. As ato që mbahen si ikona të bukurisë para epokës botox, fillera e apps./revistawho.com
