Donald Trump është zgjedhur presidenti i 47-të i Shteteve të Bashkuara. Fitorja e Trump në Wisconsin e kaloi atë mbi pragun e 270 votave të nevojshme për të fituar presidencën.
Në fjalimin e tij të parë në Florida, Trump premtoi se nuk do të ndalet derisa të arrijë një Amerikë të fortë dhe me prosperitet. Ai premtoi se do të “rregullojë gjithçka” duke shtuar se me rizgjedhjen e tij, tashmë për Amerikën “do të nisë një Epokë e Artë”.
Kujtojmë se kur u bë ish-president katër vite më parë, Trump refuzoi të pranonte humbjen, nxiti një kryengritje në Kapitolin e SHBA-së dhe i mbijetoi dy atentateve, përpara se të kthehej sërish sot në krye të shtetit më të fuqishëm në botë.
