Ledina Çelo prej vitesh tashmë është larguar nga Shqipëria dhe muzika, për të vazhduar jetën e saj në Gjermani, duke iu kushtuar totalisht rritjes së fëmijëve. Megjithatë, ajo kthehet shpeshherë në atdhe së bashku me familjen, duke qenë se edhe bashkëshorti i saj është nga Kosova. Së fundmi, këngëtarja është kthyer në Shqipëri për të qenë e ftuara speciale e ‘Xing Me Ermalin’ këtë puntatë. Pyetur nga Ermal Mamaqi, Ledina rrëfeu për publikun se si e ka njohur bashkëshortin e saj, me të cilin tashmë ndan 2 fëmijë. Ajo tregoi se gjithçka nisi kur ka qenë në një koncert në Zvicër, ku Ledina ishte e ftuara speciale, ndërsa Naimi sapo kishte fituar çmimin ‘Kampion Bote’ në Kickbox. “Pasi mbaroi koncerti, rastësisht u ulëm të gjithë të ftuarit për të pirë diçka dhe aty ishte kontakti i parë me të. Mbasi mbaruam, si gjithë meshkujt mu afrua dhe më tha: ‘Të lutem po të jap një numër telefoni, kam një ndeshje pas një jave dhe do të doja shumë të ishit dhe ju’. Unë nuk doja t’i jepja numrin tim dhe i dhashë atë të vëllait në Gjermani. Pas 2-3 muajsh, vëllai kishte shkuar në ndeshje dhe si përfundim ne u shkëputem 10 vjet. Ai pa jetën e tij, unë jetën time”, u shpreh këngëtarja. Më pas, ajo rrëfeu se pas 10 vitesh, Naimi ishte takuar rastësisht me vëllain e saj në një festë dhe kështu kishte nisur lidhja e tyre. “Themi sa mirë që nuk u takuam atëherë se do ishim mërzitur”, vazhdoi këngëtarja me shaka, duke shkaktuar të qeshura në publik. Gjatë intervistës, Ledina foli gjithashtu për jetën e saj në Gjermani, ku zbuloi se kishte filluar një biznes me produkte kozmetike prej 3 muajsh tashmë./revistawho.com
Ledina Çelo rrëfen si u njoh me bashkëshortin: Nuk u takuam për 10 vite
