Mëngjesin e kësaj të premteje, moderatori Ledion Liço ka publikuar në ‘instagram’ dy video, në të cilat ai shfaqet si aktori hollivudian, Leonardo Di Caprio. Edhe më parë, Ledioni është krahasuar me Leon për ngjashmëri në tipare, por në këtë video e ka ndihmuar jo pak edhe aplikacioni që të bën të mundur të përdorësh portretin e Leos me çmimin Oscar në duar. “Dua të falenderoj Akademinë për këtë çmim të mrekullueshëm. U desh të përdhunohesha nga një ari që të fitoja ‘Oscar-in’, edhe pse kam fjetur me gjysmën e modeleve të botës. Gjithashtu dua të falenderoj Ben Blushin, për librat e tij të mrekullueshëm, siç është ‘Të jetosh në ishull’, i ngjashëm me një prej filmave të mi ose ‘Kandidatin’ që është emërtimi shqip i ‘The Revenant’. Falenderoj shumë edhe Shpat Kasapin, ky çmim është edhe për ty. Faleminderit shumë ‘Oscar'”, – ka thënë drejtuesi i “The Voice” në “Top Channel” në video parodinë e publikuar në llogarinë e tij në ‘instagram’. Urojmë që pas kësaj videoje të Ledionit, Leo ta fitojë vërtet ‘Oscar’-in…
Ledion Liço imiton Leo Di Caprion dhe falenderon për “Oscar”-in deputetin dhe këngëtarin shqiptar (VIDEO)
NGA KATEGORITE E TJERA
Dev by Techzero1.com