Lediona Xheladinaj, ish-konkurrente e “Big Brother VIP”, ka treguar për sfidat shëndetësore që ka hasur pas pjesëmarrjes në spektakël.
E ftuar në emisionin “Natën me Aulonën”, Lediona ndau me publikun disa nga pasojat që përjeton edhe sot, duke përfshirë sfidat me shëndetin dhe përqendrimin.
“Kontaktin me shumë njerëz e kam shumë të vështirë. Ajo që shoh tek vetja është se kam akoma probleme me përqendrimin. Duhet ende të punoj me veten,” shton Ledjona, duke pranuar se gjendja e saj kërkon akoma përkushtim për t’u përmirësuar.
Kur u pyet nëse ka pasur momente kur është penduar për vendimin e saj për të hyrë në këtë aventurë, Lediona e mohoi me vendosmëri.
“Jo. Mbase aty brenda po. Por jo, i them dhe miqve të mi është një nga eksperiencat më të bukura të jetës, por një eksperiment paksa i frikshëm me veten ku duhet të jesh shumë e fortë për t’ja dalë.”
