Reperi i njohur Ledri Vula ka festuar sot ditëlindjen, dhe urimet për të nuk kanë munguar nga miqtë, kolegët dhe fansat. Por një urim në veçanti ka rënë në sy dhe ka ndezur menjëherë rrjetin: ai i këngëtares Xhensila Myrtezaj.
Në një postim në rrjetet sociale, Xhensila ka ndarë një pjesë nga videoklipi më i ri ku shfaqet përkrah Ledrit, duke dhënë një tjetër sinjal për afërsinë e tyre të fundit. Në video, dy artistët shfaqen në një përqafim të ngrohtë, më të afërt se kurrë më parë.
“Gëzuar ditëlindjen Ledri Vula,” – ka shkruar Xhensila në mbishkrimin e postimit, një urim i thjeshtë, por që i ka bërë ndjekësit të pyesin: A po ndodh diçka mes tyre?
Fansat janë të ndarë mes atyre që mendojnë se bëhet fjalë vetëm për një bashkëpunim të suksesshëm artistik, dhe atyre që shohin më shumë në këtë gjest të këngëtares.
