Këngëtari i njohur dhe shumë i dashur për publikun, Ledri Vula, ishte i ftuari special në rubrikën “Galeri” të emisionit “E Diell.” Gjatë intervistës, ai ndau momente emocionuese nga jeta e tij personale, përfshirë ndarjen nga blogerja Sara Hoxha, me të cilën ka një vajzë, Poem Blu.
Kur u pyet nga moderatori Ed Manushi lidhur me fotot që kanë qarkulluar në rrjetet sociale, ku ai përflitej për një marrëdhënie me Rina Zaitin, Ledri e mohoi kategorikisht:
“Jo nuk ka, si për mu, si për palën tjetër. Njerëzit me këdo që të shohin, direkt… Unë jam i fokusuar shumë në muzikë,” duke sqaruar se me Rinën kanë thjesht një marrdhënie shoqërore.
Rina Zaiti, e njohur për videot e saj në TikTok, ka tërhequr vëmendjen e publikut me përmbajtjen e saj argëtuese dhe të përditshme. Megjithatë, Ledri theksoi se është i përkushtuar ndaj karrierës dhe jetës së tij personale.
Në intervistë, Ledri foli dhe për eksperiencën e të qenit baba dhe ndikimin që kjo ka pasur në jetën e tij:
“Eksperiencë shumë e bukur, deri tek lindja e Poit. Nëse një ditë është më e veçanta, është lindja e Poit. Vitet kanë fluturuar më shpejt.”
Kur u pyet për shkaqet e mundshme të ndarjes nga Sara Hoxha, Ledri tha:
“Nuk e di, ka gjëra të pashpjegueshme. Ndodhin gjërat, jeta… S’jam as i pari, as i fundit. Me rëndësi është si e vazhdon. Kemi një raport shumë të mirë, jemi shokë ende me Sarën dhe gjithçka bëjmë për Poin. Ajo qysh ka ardhur deri aty as e kemi menduar, as e kemi folur, por që ka ardhur.”
Duke folur për marrëdhënien me vajzën e tij, Poem Blu, Ledri u shpreh plot dashuri dhe përkushtim:
“Me vajzën marrëdhënie të shkëlqyeshme. Jam shumë i lumtur që jam në emision me ty, por mezi po pres me ik se e kam në Tiranë, me ik me e taku. Vij e marr në Tiranë, rri një javë, merremi vesh.”
