Ledri Vula festoi ditëlindjen e tij më 10 korrik dhe, si çdo vit, urimet nga fansat dhe miqtë e shumtë nuk munguan. Por këtë herë, një detaj bëri bujë të veçantë: një dhuratë super luksoze që ngriti shumë pikëpyetje.
Në rrjetet sociale nisi të qarkullojë një video ku Ledri shihet duke marrë një Ferrari klasik, me përshkrimin:
“Surprizë për ditëlindje, nga personi anonim, Ledri Vula e meriton.”
Dhurata ka ngjallur menjëherë reagime dhe spekulime. Kush është ky “person anonim” që dhuron makina luksoze? Komentet nuk vonuan – shumë prej tyre aluduan se pas këtij gjesti mund të fshihet Xhensila Myrtezaj, me të cilën Ledri është përfolur shpesh për një lidhje.
Megjithëse asgjë nuk është konfirmuar, dhurata mbetet një surprizë e jashtëzakonshme që askush nuk do t’i thoshte dot jo!
