Ledri Vula, surprizë për fansen tek Ardit Gjebrea

Rubrika më e re në spektaklin “E Diela Shqiptare” – “Një mesazh për ty”, ka pasur këtë të dielë si protagonist kryesor një prej emrave më të njohur të muzikës moderne shqiptare, Ledri Vula. Reperi nga Kosova i është përgjigjur pozitivisht ftesës së Ardit Gjebreas, për të surprizuar me prezencën në studio një prej fanseve të tij më të mëdha, Inën simpatike, e cila fatkeqësisht qëndron e ulur në një karrige me rrota, të cilës përveç një përqafimi të ngrohtë i ka dhuruar edhe një bluze me dedikim të veçantë prej tij. Këtë moment të bukur, Ardit Gjebrea e ka ndarë me të gjithë ndjekësit e tij ne rrjetin social ‘instagram’.