Një mashkull duhet përkëdhelur dhe prekur para se ta çosh në rrugën e parajsës. Një rishikim për disa e një leksion i ri për të tjera, sa ai të mos mundet të harrojë!
Prano trupin tënd
Të gjitha kemi komplekse të vogla e të mëdha, po pse duhet të flasim vazhdimisht rreth tyre? Nuk ka asgjë më pak eksituese për një mashkull se kur një grua i thotë: “Mos m’i shiko vithet, janë të shëndosha, por që nesër do filloj të bëj ushtrime!”, “Gjoksin e kam të vogël, por me një palë jelekë me sfungjer nuk duket keq, apo jo?”.
Në një situatë si kjo, roli i tij nuk është të të ngushëllojë. Ti je në krahët e tij. Kjo do të thotë që të pëlqen. Pra, mjaft u ankove!
Sa më shumë të ndihesh rehat aq më shumë do përfitosh. Që të dy.
Këshillë: Në momentin kulmor, burrat e kanë mendjen në diçka krejt tjetër se te celuliti i partneres.
Eksitoje
Bëhet fjalë për një punë graduale të ngadaltë ngacmuese, një ftesë për kënaqësi që, do ta bëjë të humbasë mendjen. Që nga çasti kur dëshira shfaqet në atë që gjestet e tua tregojnë një dëshirë të fortë.
Mëso t’i bësh gjërat me qetësi e mos harro që pritja ngacmon ndjenjat. Mos iu dorëzo tundimit që natën e parë, por tregoji se je e interesuar. Ndize fitilin, por mos shpërthe shpejt. Kjo është një strategji e vërtetë.
Këshillë: Ule në shtrat por mos e lër të të prekë. Ulu në karrige e zhvishu ngadalë, por shumë gjatë, sa të bësh efekt. Fillo të përkëdhelesh, duke e parë në sy. Meshkujt janë të obsesionuar pas masturbimit të femrës!
Do t’i dhurosh një eksitim të këndshëm. Zgjidh ti kur t’i afrohesh shtratit e t’i japësh fund vuajtjeve të tij.
Lëre të të shohë
Tek meshkujt dëshira kalon nëpërmjet syve. Pse atëherë t’ia heqësh këtë kënaqësi? Mos e shuaj dritën e lëre të të shohë.
Zgjidh pozicione eksituese: harko shpinën, hap pak këmbët, shtrëngo gjoksin mes krahëve… Mos i mbyll sytë: shijoje dhe ti spektaklin! Shikimet janë një nxitje i vërtetë!
Këshillë: Bëni dashuri përballë pasqyrës. Partneri do ketë mundësi të shohë eksitimin tënd e do ndihet si aktor i ndonjë filmi erotik.
Studio gjeografinë e tij erotike
Si te femrat, në trupin e meshkujve ka zona të shumta erogjene. Është e rëndësishme t’i njohësh, për t’i eksploruar më mirë.
Ka shumë mënyra për të “ngrohur” atmosferën: puthja, përkëdhelja, kafshimi, thithja, lëpirja, gudulisja…
Gjithë trupi…
Buzët, qafa e, për disa meshkuj, veshët, janë fillesa të kënaqësisë. Mos harro pjesën e brendshme të kofshëve, thithkat.
Organet gjenitale
Në penis janë përqendruar mijëra receptorë të kënaqësisë. Disa zona mund të shquhen në penis. Ngacmimi në anus apo testikuj, për disa është i padurueshëm, për disa dhuron një kënaqësi të vërtetë. Përkëdhelja me gishta i membranës së zonës ndërmjet anusit dhe penisit shpërthen orgazmën!
Këshillë: Sa herë që prek ndonjë nga zonat e ndjeshme, pyete a i pëlqen.
Pika e tij G
Te meshkujt, pika e famshme G është midis uretrës e prostatës, në murin e brendshëm, atë që ndan trupin e penisit nga anusi. Pra nuk është e lehtë që të arrihet, por me pak stërvitje dhe… lubrifikant, çdo gjë është e mundur. Duke futur gishtin në anusin e partnerit, ngjitu ngadalë. Do prekësh një kokërr sa një lajthi. Është pika G.
Këshillë: Kur partneri relaksohet, mos nguro t’i bësh një përkëdhelje me gojë ose dorë penisit.
Shprehu me zë
Gjithçka qëndron në të shprehurit e dëshirave dhe asaj që të jep kënaqësi. Zërat e ngacmojnë partnerin.
Më të ndrojturat, të mbështeten te frymëmarrjet e te indikacione të thjeshta si: “pak më poshtë, po, pikërisht…”. Përbëjnë një hap të rëndësishëm.
Më të guximshmet do të nxjerrin klithma e do të jenë më të drejtpërdrejta: “Më pëlqen kur më përkëdhel gjoksin, adhuroj të më prekësh vithet”…
Duke u përfshirë, do të humbasësh ndrojtjet e do të përfitoni të dy. Partneri i inkurajuar e i gëzuar nga sjellja jote, do tregohet më entuziast e i kuptueshëm. Fjalët e partneres, edhe të ashprat, janë eksituese për një burrë. Ti nuk do humbasësh asgjë, sepse për shembull nuk do të ndihesh e detyruar të mos flasësh, kur ai të masazhon gjoksin sikur po fërkon një lavaman!
Këshillë: Shmang dhënien e urdhrave. Nuk je një gjenerale seksi! Partneri mund të bllokohet plotësisht. Përshtate gjuhën dhe kërkesat në funksion të personit me të cilin po bën dashuri.
Duhet që ai të ndihet rehat
Ndryshe nga dukja, meshkujt dyshojnë shpesh e mund të ndihen lehtë të pavlerë. Duhet t’i bësh të ndihen të sigurt. Tregoji që asnjë mashkull tjetër nuk të eksiton sa ai. Bëji komplimente për mënyrën si të përkëdhel dhe shprehe admirimin për disa pjesë të trupit të tij. Nuk do mundet të rrijë pa një grua që e vë në piedestal!
Një sjellje shumë agresive dhe e drejtpërdrejtë mundet ta trembë, por edhe t’i përshpejtojë gjërat në atë pikë që t’ju lërë të frustruar. Mëso ta prekësh sensualisht. Mos i vër duart direkt te gjenitalet. Edhe burrat i vlerësojnë afrimin delikat. Përkëdheli kofshët, rrëshqite dorën në zverk…
Këshillë: Ta bësh të ndihet i sigurt nuk do të thotë ta trajtosh si fëmijë. Fraza të tilla, ia largojnë dëshirën. /Telegrafi/
