Fushata që ka nisur prej disa vitesh nga ambientalistët shqiptarë dhe të huaj për të mbrojtur lumin Vjosa në Shqipëri, ka tërhequr edhe vëmendjen e mediave ndërkombëtare dhe personazheve të njohur në botë.
I fundit që ka reaguar ka qenë aktori Leonardo DiCaprio i cili ka dalë kundër vendimit të qeverisë shqiptare për të ndërtuar 8 hidrocentrale në Vjosë, që është dhe lumi i vetëm ‘i egër’ në Europë. DiCaprio ka publikuar videon dhe tekstin e ‘The Associated Press’ ku flitet për planet që i japin fund bukurive të veçanta të lumit shqiptar.
“Ky është lumi i fundit i egër në Evropë. Por për sa kohë? Lumi Vjosa përshkon shpatet e mbuluara me pyje të maleve Pindi të Greqisë deri në brigjet e Adriatikut të Shqipërisë.
Qeveria e Shqipërisë ka vendosur në lëvizje planet për të ngritur digë në Vjosë për të gjeneruar energji elektrike të nevojshme për një nga vendet më të varfëra të Evropës, me tetë diga të planifikuara për ndërtim përgjatë lumit.
Është pjesë e “bum”-eve të hidrocentraleve botërore, kryesisht në Azinë Juglindore, Amerikën e Jugut, Afrikë dhe në pjesë më pak të zhvilluara të Evropës. Disa hidrocentrale, si një burim i besueshëm, i lirë dhe i rinovueshëm i energjisë që ndihmon në frenimin e varësisë nga karburantet fosile. Por disa studime të fundit vënë në dyshim vlerën e hidrocentraleve në luftën kundër ngrohjes globale. Kritikët thonë se përfitimet e hidrocentralit janë të mbivlerësuara – dhe theksojnë dëmet që digat mund të sjellin.
Digat bllokojnë rrjedhën natyrale të ujit dhe sedimenteve. Ato gjithashtu mund të ndryshojnë kiminë e ujit dhe të bëjnë që algat toksike të rriten. Lumenjtë janë një pjesë thelbësore e ciklit global të ujit. Ato veprojnë si arteriet e natyrës, duke mbajtur energji dhe lëndë ushqyese nëpër peizazhe të gjera, duke siguruar ujë për pije, prodhim ushqimi dhe industri”, shkruhej krah postimit të ripublikuar nga aktori i njohur.
Ky reagim i tij i ka befasuar të gjithë ndjekësit në mbarë botën, teksa në vend ka shkaktuar një zhurmë të madhe mediatike./revistawho.com
https://www.instagram.com/p/B4ShcDzFnOc/
