Leonardo DiCaprio mund të ketë mbushur 50 vjeç, por sipas tij, mosha është vetëm një numër – dhe ai ndihet shumë më i ri. Gjatë një interviste të veçantë me regjisorin Paul Thomas Anderson për revistën *Esquire*, aktorit iu bë një pyetje e shpejtë: “Nëse nuk e di sa vjeç je, sa vjeç je tani?” Pa hezitim, ai u përgjigj: “Tridhjetë e dy vjeç.”
Megjithatë, fituesi i Oscar-it pranoi se në nivel emocional ndihet “35 vjeç” dhe se kjo gjysmë shekulli në jetë e ka bërë më reflektiv. “Epo, të krijon një ndjesi sikur ke dëshirë të jesh më i ndershëm dhe të mos humbasësh kohën,” tha ai.
DiCaprio tregoi se inspirimin për këtë mënyrë të të menduarit e ka marrë nga nëna e tij, Irmelin, të cilën e përshkruan si një “shembull” të ndershmërisë dhe autenticitetit. “Ajo thjesht thotë saktësisht atë që mendon dhe nuk humb kohë. Nuk shpenzon kohë duke u përpjekur ta imitojë,” theksoi ai.
Për aktorin, kjo do të thotë të mos ketë frikë të rrezikojë, qoftë duke pranuar mundësinë e prishjes së marrëdhënieve, qoftë duke zgjedhur një rrugë të ndryshme nga të tjerët. “Është se thjesht nuk doni të humbni më kohë,” shtoi ai.
Karriera e tij e nisur në fund të viteve ’80 e ka çuar nga ekranet televizive te roli i parë i madh në What’s Eating Gilbert Grape (1993), që i solli nominimin e parë për Oscar në moshën 19 vjeç. Pas gjashtë nominimesh, ai mori më në fund çmimin për rolin në The Revenant (2015).
Për Leonardon, mosha nuk është një frenues, por një arsye më shumë për të jetuar me më shumë sinqeritet dhe për të mos humbur asnjë çast.
