Leonardo DiCaprio ishte pjesë e listës së VIP-ave që merrnin pjesë në festat e P Diddy dhe për aktorin janë ngritur aludime të shumta. Tashmë, një burim i afërt me DiCaprion, ka dalë në mbrojtje të aktorit në deklaratat për Daily Mail.
“Leonardo DiCaprio nuk ka absolutisht asnjë lidhje me këtë”, tha burimi. “Ai mori pjesë në disa nga festat e tij në fillim të viteve 2000 por të gjithë morën pjesë. Ato nuk ishin festa të çmendura.”
”Ishin festa të mëdha në shtëpi. Leo ishte në fillimin e karrierës së tij në atë kohë dhe i ka kaluar me kohë ato festa.
Ai nuk ka të bëjë me asnjë nga ajo botë, kështu që për këdo që do të supozojë se ai do të përfshihet në këtë, bazuar në disa foto që kanë më shumë se 20 vjet, është qesharake. Leo është i fokusuar në karrierën dhe marrëdhënien e tij dhe nuk po mendon aspak për çështjen federale të Diddy, me të cilën ai nuk ka të bëjë fare”.
