Në fund të muajit gusht qeveria e Kosovës, i premtoi këngëtares Leonora Jakupi se eshtrat e babit të saj do të ktheheshin në vendlindje. Qazim Jakupi, babai i këngëtares ka rënë dëshmorë gjatë luftës në Kosovë. Amaneti i babait të Leonorës është realizur dhe pas 20 vitesh trupi i tij do të prehet në Kosovë. Familja e këngëtares e ka shoqëruar të gjithë kolonën e automjeteve gjatë gjithë rrugës dhe Leonora nuk ka ngurruar që momentin emocionues ta ndajë me të gjithë. Ajo ka publikuar në ‘Instagram’ një video nga ky moment dhe krahas saj ka shkruar: “Mirë se erdhe në Kosovën e lirë Heroi im”.
Gjatë ditës së nesërme do të zhvillohen homazhet Parlamentin e Kosovës në nderim të Qazim Jakupit dhe ish-ministrit të mbrojtje, Ahmet Krasniqi dhe trupat e tyre do tw prehen në varrezat e dëshmorëve në Prishtinë. /revistawho.com
