Leonora Jakupi ka qenë e ftuar në emsiionin ‘Mirage’, ku ka rrëfyer gjithçka për projektet e reja muzikore, por ka pranuar për herë të parë edhe lidhjen e saj disavjeçare. Pyetjes për jetën personale ajo ju përgjigj pa drojë duke rrëfyer se është shumë e lumtur me një person që është pranë saj prej vitesh, ndërsa planet për martesë nuk janë pranë finalizimit. “Unë nuk e kam të domosdoshme të firmos letra për t’i dhënë një emër lidhjes sime. Rendësi ka që jam e lumtur me personin që kam në krah. Ndërsa dasmën nuk e kam qejf, pasi më duket sikur kënaqen më shumë të ftuarit se çifti. Nëse do e bëj, këtë vit ose më vonë do jetë diçka e vogël dhe familjare”, u shpreh këngëtarja. Kjo është hera e parë, që Jakupi rrëfen detaje të mirëfillta për lidhjen e saj të dashurisë, megjithëse ka ende shumë të zbuluar.
Nga ana tjetër, Leonora rrëfeu se shumë shpejt pritet të dalë edhe një tjetër projekt muzikor që do ju pëlqejë shumë të gjithëve, kështu që surprizat do të vazhdojnë. / revistawho.com
