Doktori iku nga Fiksi dhe tashmë duket se pacienti nuk ka shanse për shpëtim! Gjurma e fundit e mbetur nga lavdia dhe autoriteti i një institucioni për publikun shqiptar si “Fiks Fare” u shua. Sigurisht largimi i Saimirit la gjurmën e vet. Konsumimi i Filip Çakulit është i dukshëm, i kuptueshëm dhe krejt normal. Ajo çka nuk është normale është ndryshimi i fasadës dhe jo i thelbit. Dy aktorët e rinj që të rinj nuk janë, mesa duket janë njohës më të mirë të rrjeteve sociale se Gent Pjetri apo Filip Çakuli që as Instagram nuk kanë, dhe e dinin që me puthjen e tyre në hapje të Fiksit do mund të bënin zhurmë më shumë se Stopi i Saimir Kodrës dhe Gent Zenelit. Po, Devis Muka dhe Dorian Ramaliu ia dolën të bëjnë tym, por zjarrin e audiences, si zakonisht vitin e fundit, e mori Klani! Mua më pëlqen Devis Muka. Është aktor i talentuar, personazh i angazhuar, Dorian Ramaliu ka një karrierë më modeste në krahasim, shumë reklama. Por investigimi është tjetër gjë djema! Investigimi lejon batuta të shkurtra, nuk pranon “monologjet e vaginës”. A e keni vënë re që asnjë velinë në asnjë program të ngjashëm nuk ka mikrofon? Sepse hallet, kronikat, puna janë serioze dhe seksi është aty sa për sfond, jo protagonizëm. Aq më keq kur seksi është i devijuar. E kuptoj provokimin e djemve, edhe qëllimin e tyre por sidoqoftë nuk duhej lejuar. Nuk duhej lejuar sepse treguat që Fiksi ka mbaruar ende pa filluar dhe jeni gati të bëni si ato këngëtaret që nxjerrin bythën në vend që të këndojnë! Nuk ka nevojë që ju të lini nam. Historia ka treguar që janë kamerat e fshehta ato që ju japin juve material dhe jo ju material kamerave. Nga ana tjetër i keni hequr shumë stres dyshes Kodra – Zeneli. Kanë më pak staf, më pak mjete e prapë e mundën Topin sezonin e kaluar. Ah dhe diçka tjetër në një kontekst seksual. Po mirë mo djema, dy velina aty mbrapa dhe njëri tjetrin gjetët të puthnit?
Sidoqoftë gazetaria nuk bëhet me puthje e lëpirje. Investigimi aq më pak. Keni marrë një qen që kafshonte dhe e kthyet përfundimisht në një “qen femër” që vetëm lëpin. Nuk e keni fajin ju, thjesht i dhatë dorën e fundit!
Sqarim: Gjithçka shkruhet më sipër, është qëndrim personal i gazetarit Flavio Qarri.
