“Zanfina, emri i adhurimit tim nga “Rusha” e Gjergj Zhejit. Erdhe në muajin e luleve, ishe ndryshe nga fëmijët e gjithë botës. Në muajin e tretë të lindjes filloi të formohet karakteri i bebes time. Dhe sot është e njejtë, e ndjeshme, e butë, me trup të bukur…”, – kështu nis letra e fundit e Mona Ismailit, për të bijën Zanfinën, e cila nuk i lexon dot deri në fund fjalët e së ëmës në programin festiv të “Prive” në pritje të vitit 2016-të.
“E du, e du Zanin më shumë se jetën. Ja dua tekat, nervozizmat e injorancat. Kam aq dashni me ia tejkalu britmat momentale”, – vazhdon letra prekëse, e cila përfundon me fjalët… “Monën e ke pas çdo vendimi, çdo dëshire, çdo vullneti, prandaj gëzuar këtë vit të ri me dashuri e me gëzim”.
Pas kësaj, Liberta Spahiu e pyet Zanfinën për marrëdhënien që ka me të ëmën dhe këngëtarja në lot përgjigjet: “Me mamin jam mish e thua. Jemi gjithë kohën bashkë, asgjë nuk na ndan. Nuk është vetëm nënë për mua, është siguria ime, mbështetja, vetëbesimi, shoqja, motra, vëllai, babai, është gjithçka për mua”.
Urimi im për mamin për këtë Vit të Ri, është shumë shëndet dhe lumturi… Faleminderit që gjithmonë ke qenë me mua, shpresoj që ke për të qenë edhe shumë vite”.
