Letra prekëse e ish të dashurës së Jim Carrey para se të ndahej nga jeta

Ish e dashura e Jim Carrey, Cathriona White, u nda nga jeta vetëm pak kohë pas u nda nga i dashuri i saj vitin e kaluar. Bukuroshja irlandeze humbi jetën në shtëpinë e saj shtatorin e kaluar si pasojë e overdozës së ilaçeve. Një letër për Jim Carrey është gjetur në shtëpinë e White, e cila është publikuar nga “TMZ”, në të cilën jepeshin detaje se si ajo ishte ndjerë pasi marrëdhënia e saj me Carrey kishte marrë fund. Ajo gjithashtu i kishte kërkuar falje atij duke u shprehur se kishte dhënë më të mirën e saj dhe gjithashtu i kishte lënë amanet që të ishte ai që do planifikonte funeralin e saj. “Kam kaluar 3 ditë të tmerrshme që ti nuk je këtu. Mund të vazhdoj të lëndohem dhe të përpiqem ta marr veten, mund ta bëj por kësaj radhe nuk e kam këtë dëshirë”, ka shkruar ajo në letër. “Më vjen keq që mendon se unë nuk kam qënë pranë teje, kam bërë më të mirën e mundshme”. “Nuk di fare se si funksionin funerali por ti je familja ime, kështu që çfarëdo që të zgjedhësh, do jetë në rregull. Të lutem më fal. Unë nuk jam për këtë botë”.