Nuk dini si të kontrolloni zemërimin?!
Të gjithë gjenden nëpër situata të tensionuara, për shkak të dështimit të planeve apo sepse realiteti nuk ecën paralel me pritshmëritë e secilit.Parë nga ky këndvështrim, zemërimi i këtyre rasteve, është njësoj me sjelljet e një fëmije të vogël që nuk është në gjendje të përshtatet me njerëzit që e rrethojnë.
Zemërimi na dëmton së pari ne, pastaj marrëdhënien me njerëzit që kemi përballë, prandaj edhe duhet gjetur mënyra për ta shmangur. Hapi i parë i dobishëm është të dëgjojmë me kujdes tjetrin, përpara se të shpërthejmë në kriza zemërimi. Koha që i japim vetes për të dëgjuar, do na ndihmojë edhe për të kontrolluar sjelljen tonë. Për shembull, sillni ndërmend se sa herë inatoseni në makinë, kur dikush ju pengon rrugën apo jeni në trafik?! Ok, nëse jeni në një situatë urgjente, keni të drejtë por, në shumicën e rasteve, sjellja nuk është e justifikuar, as të sharat nëpër dhemb!
Mënyrat për të kontrolluar zemërimin
:1. Jepini vetes pak kohë përpara se të reagoni
2. Kontrolli mbi zemërimin nuk do të thotë që ta fshihni por të gjeni mënyrën e duhur për të shpjeguar situatën!
3. Mbani përgjegjësitë tuaja
4. Mendoni edhe për zgjidhjen, mos hiqni dorë, duke ia lënë tjetrit gjithë peshën
5. Largojini mëritë e kota që akumuloni gjatë kohëve të ndryshme
6. Mos i përgjithësoni asnjëherë situatat
7. Mos u përpiqni gjithmonë t’i jepni vetes të drejtë. Provoni ta vini veten në pozitat e bashkëfolësit!
8. Argëtohuni, kjo do t’iu bëj të harroni
9. Shmangni njerëzit apo situatat acaruese
10. Përpara çdo përgjigje, mendoni për pasojat
