Liam Hemsworth duket se ka vendosur ta hedhë pas krahëve historinë e dashurisë me Miley Cyrus dhe të ecë përpara. Së fundmi aktori ka ngritur dyshimet se ka nisur një lidhje të re me modelen Gabriella Brooks. Liam është fotografuar ditën e premte duke e prezantuar modelen tek prindërit e tij, Craig dhe Leonie.
Madje Gabriella dukej shumë e afërt me prindërit e tij, pasi shkëmbeu një përqafim me nënën e Hemsworth. Kjo është hera e parë që Liam prezanton një vajzë tek prindërit e tij pas i dha fund martesës 1-vjeçare me Miley Cyrus, 4 muaj më parë. Në fakt kjo nuk është hera e parë që Liam përflitet për një lidhje të re, pasi në tetor ai u pa në rrugët e Londrës kapur përdore me Maddison Brown. Më pas ata u fotografuan duke u puthur me njëri-tjetrin, por siç duket as kjo marrëdhënie nuk ka funksionuar për Liam. /revistawho.com
