Liam Hemsworth dhe Miley Cyrus janë një nga çiftet më të pëlqyera të ‘showbiz-it’ të huaj. Pak muaj më parë ata e kurorëzuan dashurinë e tyre me martesë në një ceremoni krejtësisht private.
Së fundmi Liam ka treguar një detaj rreth njohjes së tij me Cyrus. Ai është shprehur se bashkë janë parë në filmin ‘The Last Song’ dhe se në atë kohë për pak e humbi mundësinë për të marrë pjesë në xhirime dhe për t’u njohur me Miley.
Ai tregoi se rolin e fitoi dikush tjetër, por më pas dolën disa probleme me personin që fitoi audicionin dhe agjenti i Liam e lajmëroi se zgjedhja tjetër ishte ai.
Hemsworth e quajti veten me fat pasi nga ai rol njohu Miley Cyrus, me të cilën tashmë është i martuar./revistawho.com
