Dy muaj më parë, Michelle Obama publikoi biografinë e saj të parë me titullin ‘Becoming’. Libri u mirëprit nga publiku dhe vazhdon ende të jetë në ‘top list’ e librave më të shitur në ‘Amazon’. Sipas ‘Amazon Charts’, ‘Becoming’ është libri më i shitur në të gjitha formatet për 47 ditë me radhë. Libri i Michelle ka arritur të qëndrojë në vendin e parë për kohën më të gjatë, duke thyer edhe rekordin e ‘Fifty Shades of Grey’.
Në muajin nëntor ish-zonja e parë tha se do të dëshironte shumë që të gjithë të mësonin nga libri si të shfrytëzojnë bukurinë e të qenurit vetvetja për t’u bërë dikushi në jetë. Siç duket të gjithë kanë gjetur diçka të vlefshme në libër dhe prandaj ‘Becoming’ ka arritur majat.
Libri pritet të botohet së shpejti edhe në gjuhën shqipe nga shtëpia botuese “Dudaj”. Tashmë të gjithë do të presim me pa durim të kemi në duart tona biografinë e ish-zonjës së parë dhe me siguri edhe në Shqipëri “Becoming” do të shënojë shitje rekord njësoj si në mbarë botën./revistawho.com
